Ibrohim ibn Adham

Ibrohim ibn Adham (716-yil – 782-yil) – Balx podshohining oʻgʻli, soʻfiy avliyolar orasida zuhd va taqvosi bilan mashhur boʻlgan.

Ibrohim ibn Adham

Vikipediyadagi maqola

Vikiombordagi fayllar

Iqtiboslar

A

• Alloh taologa duo qilasiz-u, lekin ijobat boʻlmaydi, buning sababi shuki, sizlarning qalbingiz oʻnta narsa bilan oʻlgan:
  — Allohni taniysizlar-u haqqini ado etmaysizlar.
  — Alloh kitobini oʻqiysizlar-u unga amal qilmaysizlar.
  — Shaytonni dushman, deb daʼvo qilasizlar-u, lekin uni doʻst tutasizlar.
  — Rasulullohni yaxshi koʻramiz, deb daʼvo qilasizlar-u, ammo ul zotning yoʻllaridan yurmaysizlar va sunnatlarini bajarmaysizlar.
  — Jannatni yaxshi koʻrasizlar-u, biroq unga olib borguvchi amallarni qilmaysizlar.
  — Jahannamdan qoʻrqasizlar-u gunohlardan tiyilmaysizlar.
  — Oʻlim haq, deb daʼvoda boʻlasizlar-u, ammo unga tayyorgarlik koʻrmaysizlar.
  — Birovlarning ayblarini koʻrasizlar-u oʻz ayblaringizni koʻrmaysizlar.
  — Alloh bergan rizqni yeysizlar-u, lekin shukronasini qilmaysiz
  — Oʻliklaringizni dafn etasiz-u, ammo bundan ibrat olmaysiz. Oʻlik yer samar bermaganidek, oʻlik qalbdan chiqqan duo ham ijobat topolmaydi.

D

• Dunyoni yamadik yirtib olib dinimizdan,
  Din ham ketdi, dunyo ham ketdi qoʻlimizdan.

E

• Ey gʻiybatchi, doʻstlaringga dunyoing bilan baxillik qilding, dushmanlaringga oxirating bilan saxiylik qilding. Sen baxillik qilgan oʻrningda kechirilmaysan, saxiylik qilgan oʻrningda maqtalmaysan.

I

• Ilmni amal uchun oʻrganinglar. Aksar odamlar ilmlari togʻdek, amallari zarradek boʻlib qolib, yanglishishadi.

Z

• Zuhd uch xil boʻladi: zuhdi farz, zuhdi fazl, zuhdi salomat. Zuhdi farz – haromda zuhd qilish, zuhdi fazl – halolda zuhd qilish, zuhdi salomat – shubhalarda zuhd qilishdir.