Qoshgʻariy

Mahmud ibn al-Husayn ibn Muhammad al-Qoshgʻariy (Mahmud al-Qoshgʻariy, Mahmud Qoshgʻariy, Qoshgʻariy, yaʼni qoshgʻarlik Mahmud)(1028/1029-yil, Barsxon – 1101/1126-yil, Oʻpal) — turkiy tilshunos olim, filolog. Turkiy xalqlarning arab tilidagi ilk ensiklopediyasi — „Devonu lugʻotit turk“ (1072–1074) muallifi, turkshunoslik ilmining asoschisi.

Qoshgʻariy

Vikipediyadagi maqola

Vikiombordagi fayllar

A  B  D  E  F  G  H  I  J  K  L  M  N  O  P  Q  R  S  T  U  V  X  Y  Z  Oʻ  Gʻ  Sh  Ch  Ng

Iqtiboslar

B

• Befahm mehmon uy egasini xijolatga qo‘yadi.
• Belgi bo‘lsa, odam yo‘lda adashmaydi, aqli bo‘lsa, kishi so‘zda adashmaydi.
• Boshqa kishining moli qo‘lingda bo‘lsa ham, seniki hisoblanmaydi. Chunki u qaytariladi.

I

• Ikki er hayvon olishadi, o‘rtada pashsha yanchiladi.
• It qopmaydi, ot tepmaydi dema, negaki bu odat ularning tabiatida bordir.

K

• Kasalning vasiyat qilishi uning uchun yaxshilik keltiradi.

M

• Mehmonni davlat va barakotdan sanaydiganlar o‘lib ketdi. Har bir qora sharpa qo‘noq bo‘lmasin, deb chodir buzuvchilar qoldi.
• Muhtoj odam har bir narsadan hojati chiqishini o‘ylaydi.

O

• Odobning boshi — til.
• Ojiz, g‘arib mehmon kelsa, hozir bo‘lgan narsani mehmonga tezlik bilan qo‘y, unga malol keltirma.

Q

• Qarindoshlarga, qo‘ni-qo‘shnilarga yaxshilik qil, olgan hadyalaring evaziga qimmatliroq narsa hozirla.
• Quruq yog‘och egilmaydi, quruq novda gullamaydi.

S

• Savdogarning moli toza, beshubha bo‘lsa, yo‘l ustida yeydi.

T

• Til bilan qadalgan narsa tish bilan yechilmaydi.

Y

• Yaxshining so‘ngagi tuproqda chirisa ham, nomi qoladi.
• Yotlarning yog‘liq ovqatidan o‘zingga yaqinlarning mushti yaxshi.

Gʻ

• G’oz qo‘zg‘olsa, ko‘lni o‘rdak egallaydi.

Ch

• Chiroyli to‘ningni o‘zing kiy, shirin taomingni esa boshqalarga tut.
• Chiyabo‘ri qo‘shnichilikka rioya qilib qo‘shnisini yemaydi.