Hunar

Hunar — muayyan koʻnikma, mahorat talab qiladigan, tirikchilikning asosiy manbai hisoblanuvchi ish, mashgʻulot; kasb.

Hunar

Vikipediya maqolasi

Vikilugʻatdagi maʼnolari

A  B  D  E  F  G  H  I  J  K  L  M  N  O  P  Q  R  S  T  U  V  X  Y  Z  Oʻ  Gʻ  Sh  Ch  Ng

E

	Ey o‘g‘il! Bu nasihatlarga quloq sol, kasbu hunar o‘rganishdan or qilma, mehnat qilishni o‘rgan. Yurt va elning rivoji ham hunarga bog‘liq. Eng halol va eng yoqimli yemish va kiyish hunardan hosil bo‘ladi. Hunar — yashirin xazina. Kuni kelib dunyo tasodiflari tufayli mol-mulkdan ajralsang ham, hunardan hech qachon ajralmaysan. Hunar sening doimiy hamrohing, madadkoringdir.
	— Muhammad Javhar Zamindor

H

	Har kim anjir sotib, qorni bo‘lsa to‘q, Unga shu hunardan ustun hunar yo‘q.
	— Otalar soʻzi

Har kimning zari bo‘lmasa-da, ammo hunari bo‘lsa dunyoda hech bir xavf-xatari bo‘lmaydi. Shuning uchun kishi hunar ziynati bilan bezanmog‘i kerak. Hunarsiz kishi quruq savlatdir. Quruq savlat qotib turgan suratga o‘xshaydi. Sen suratga boq, u odamga o‘xshasa-da, joni bo‘lmaydi. Daraxt shoxi mevasiz bo‘lsa, kiyikning shoxlaridan nima farqi bor. Qalam garchi cho‘p bo‘lsa-da, ilmu hunarni oshkor qilgani uchun azizdir. Oyna esa go‘zallar yuzi tufayli qo‘lda yuradi. Sen Abu Jahl tarvuzini ko‘r, shirin tarvuzlar kabi chiroylidir. Ammo achchiq bo‘lgani uchun qiymati yo‘q.

— Muhammad Javhar Zamindor

	Hunarni qadrlamagan och qoladi.
	— Otalar soʻzi

I

	Inson hunaridan hurmat koʻradi, Dunyoda ne eksa shuni oʻradi.
	— Otalar soʻzi

	Insonning hunari uning boyligi. Pul tugaydi, biroq hunar tugamaydi.
	— Otalar soʻzi

O

	Ota yoki bobongning nasl-u nasabi bilan emas, balki o‘z mehnating va hunaring bilan keril!
	— Otalar soʻzi

Adabiyotlar

• Hamidjon Xomidiy; Mahmud Hasaniy. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.