Nosir Xisrav

	Nosir Xisrav
	Vikipediyadagi maqola
	Vikiombordagi fayllar

Nosir Xisrav (toʻliq ismi: Abu Muʼiniddin Nosir Xisrav al-Qubodiyoniy; 1004-yil, Qubodiyon – 1088-yil, Badaxshon) – fors-tojik shoiri, mutafakkiri.

A B D E F G H I J K L M N O P Q R S T U V X Y Z Oʻ Gʻ Sh Ch Ng

Iqtiboslar

A

Ayol, bil, lutf-u himmatga sazovor,
Goʻdakdek mehr-u shafaqatga sazovor^[1].

B

Bilim qidirishga urdim boshimni,
Bekorga oʻtkazmadim umrimni bir dam.
Qaydaki eshitsam ilm-u donishni,
Eshigi tagida oʻltirdim mahkam^[2].

D

Dono suhbatidan sira qochmagil,
Taʼsirin oʻtkazar senga ham u til^[2].
Do‘st doʻstdir asli qilmishi bilan,
Do‘st emas „doʻstingman“, deyishi bilan^[1].

H

Hamisha xalqingga mehribon boʻlgil,
Yaxshilikka tirish va omon boʻlgil^[2].

K

Keksa kishi boʻlsa nodon-u johil,
Aqlli goʻdakni undan afzal bil^[1].
Kishida tavozeʼ aqldan darak,
Ulugʻlik karamdan topadi bezak^[1].
Kishini ranjitmoq juda ham yengil,
Koʻnglin olmoq esa, unday emas, bil^[1].
Kosibdan shod-u xurram yoʻq jahonda,
Hunardan yaxshi dur ham yoʻq jahonda.
Kimki shogirdlikka chin dilidan shod,
Bir kuni oʻzi ham boʻlgʻusi ustod^[2].

O

Odam tilidadir baloning bari,
Tilda har kimsaning foyda-zarari^[1].

Q

Qutulishing qiyin boʻlgan odamga nafratingni bildirma!^[1]

Y

Yaxshilik qilmishdir kim senga bir bor,
Yodingdan chiqarma sen uni zinhor^[1].

Z

Ziyraklar suhbati etar baxtiyor,
Nodon nafida ham doim zarar bor^[1].

Ch

Chinakam do‘st aytgan har o‘git, masal,
Sirti zahar erur, tomiri – asal^[1].

Manbalar

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.
↑ ^2,0 ^2,1 ^2,2 ^2,3 Hamidjon Xomidiy; Mahmud Hasaniy. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997-yil — 251-bet.

[:0-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.

[:1-2] 2,0 ^2,1 ^2,2 ^2,3 Hamidjon Xomidiy; Mahmud Hasaniy. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997-yil — 251-bet.

[1]

[2]