Jomiy

	Jomiy
	Vikipediyadagi maqola
	Vikiombordagi fayllar

Jomiy yoki Abdurahmon Jomiy (asl ismi: Nuriddin Abdurahmon ibn Ahmad)(7-noyabr 1414-yil, Jom; 9-noyabr 1492-yil, Hirot) – fors-tojik shoiri, naqshbandiylik tariqatining yirik vakili.

A B D E F G H I J K L M N O P Q R S T U V X Y Z Oʻ Gʻ Sh Ch Ng

Iqtiboslar

A

Adovat tig‘ini ko‘targan kishi adovat tig‘idan halok bo‘ladi^[1].
Agar mezbon dasturxon atrofida oʻzini hamma neʼmatlardan baland tutsa, uning nonidan oʻz jigaring aʼlo va uning sharbatidan oʻz qoning bajo^[2].
Agar och boʻlsang, har qanday osh-non senda qattiq ishtaha qoʻzgʻatadi. Sen bilan oʻtirgan ulfatlaringda esa ishtahang senga nisbatan nafrat uygʻotadi^[2].

B

Bir shoir oʻqidi bemaza gʻazal,
Dedikim, alifsiz yozdim, bu aʼlo.
Dedimki, eng yuksak sanʼat boʻlurdi,
Sheʼring soʻzlari ham boʻlmasa aslo^[2].
Boylikdan kerilmoq – aqldan nari,
Chunki u oʻtkinchi bulut singari^[1].

D

Dono suhbatidan bosh tortsa nodon,
Davrondan yaxshilik koʻrmas hech qachon^[1].
Dunyo bir matokim, uning ketidan hirs qoʻyib yurmagil, oʻtgil yuzidan^[1].
Dunyoda doʻsting kim, dushmaning kim – boq,
Ishlaring hisob et, yozilmish qandoq^[1].

E

Erta tongda ogʻzingga biror luqma ovqat tiqmay eshikdan chiqma, chunki toʻqlik xushmuomala va chuqur mulohaza moyasi, ochlik esa yengiltaklik va aqlsizlik doyasidir^[2].

F

Faqat foydasi tegadigan ilmni olish kerak, foydasiz fazilatdan qochmoq va faqat zarur narsaga quloq ochmoq lozim^[2].

H

Hammadan balanddir ona mansabi^[1].
Hammaga omonlik istaguvchi boʻl,
Shunda adovatga qolmagay hech yoʻl^[1].
Har kimdan istama do‘st-oshnolik,
Har oshnadan kutma sen roʻshnolik^[1].

K

Kibrsizlik lofin urma, uni koʻrmoqdan koʻra qorongʻu tunda chumolining izini koʻrmoq osonroqdir^[1].
Kimning qoʻlida quyidagi besh narsa jilovi boʻlsa, yaxshi hayotining garovi boʻlur: birinchisi – tansihatlik, ikkinchisi – omonlik, uchinchisi – rizqining moʻlligi, toʻrtinchisi – sodiq do‘st va beshinchisi – farogʻat. Kimki shu besh narsadan mahrum etilgan – xush hayot eshigi uning oldida bekilgan^[2].
Kim tortsa adovat qilichin qindan,
Adovat tigʻidan boʻladi halok^[1].
Kichiklarga hazil-u istehzo oʻqin otmoq – ulugʻlik obroʻsin bekorga sotmoq va zillat-u xorlik gʻuboriga botmoqdir^[2].
Koʻplar molin berib, mardlik qiladi,
Koʻplar jonin berib, mardlik qiladi^[1].

M

Mansab bilan balandmas odam,
Mansab odam bilan muhtaram^[1].

N

Nuqsonli tabib hammaga balo, misoli vabo^[2].

O

Onangdan bosh tovlama, oshmasin dardi,
Sharaf toji erur oyogʻin gardi^[1].

Q

Quloqdan dilingga gar kirmasa nur,
Sichqon kavagidan ne farqi boʻlur?!^[1]
Qul-u ozodga maʼlum va ayon,
Dono tirikdir, oʻlikdir nodon^[1].

S

Saxovat biror narsaga qarab yoki evaziga biror narsa talab boʻlsa, hatto talab etilgan narsa maqtov va minnatdorlik boʻlgani taqdirda ham, u saxovat emas^[2].
Sofdil oshiqlardan latifroq kishi olamda topilmas^[2].

T

Tanang imorati dosh bera oladigan miqdorda tanovul et^[2].
Tish-tirnoq qolmagan keksa sherni koʻr,
Choʻloq tulki unga beradi ozor^[2].
Toʻgʻrini de, toʻgʻrini koʻr, toʻgʻri yur,
Toʻgʻri gapir, toʻgʻri eshit, toʻgʻri tur^[1].

U

Unutmangki, hasaddan idrok ham kasod bo‘ladi^[1].

Oʻ

Oʻtganlar ibratli soʻzini yod et,
Oʻtganlar yodidan dilingni shod et^[1].

Manbalar

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 ^1,17 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 Ziyouz.uz — Ziyo istagan qalblar uchun!.

[:1-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 ^1,17 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.

[:0-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 Ziyouz.uz — Ziyo istagan qalblar uchun!.

[1]

[2]