Anbar otin Farmonqul qizi

Anbar otin Farmonqul qizi (1870-yil – Qoʻqon – 1906-yil) – oʻzbek shoirasi. Otasi Uvaysiyning jiyani.

Anbar otin Farmonqul qizi

Vikipediyadagi maqola

A  B  D  E  F  G  H  I  J  K  L  M  N  O  P  Q  R  S  T  U  V  X  Y  Z  Oʻ  Gʻ  Sh  Ch  Ng

Iqtiboslar

A

• Adab – irfon ilmi ichradur sham’.

D

• Dunyoni bilmakka idroking garov,
  Zehn quymoqqa dili poking garov.
  Yaxshi ish qilmoq uchun yoʻqsa oʻquv,
  Sanga lozimdur oʻquv birlan oʻquv.

F

• Foydasiz soʻzlamasa qaysi til,
  Ona til boʻlgʻay oʻsha til – ona til.

H

• Har kimki oʻzin oʻyladi, eldin xabari yoʻq,
  Ul ablahi bedin ila savdo qila koʻrma.

J

• Jahongir qoʻshinlarga qoʻysa otash,
  Aning boshigʻa boʻlgʻusi balokash.
• Jahon ravshan ziyoyi ilmdandur,
  Koʻngil sofi safoyi ilmdandur.

K

• Kasb etar ohista-ohista kishi fazl-u hunar,
  Bogʻaro bulbul bolasi xushnavo kam-kam boʻlur.
  Murgʻi vahshini qilolmas hech kim yakbora rom,
  Donayu domini qurding, mubtalo kam-kam boʻlur.
• Kimekim mard erur insof lozim,
  Bilurgʻa soʻz durin sarrof lozim.
• Kimki el gʻamidadur suxansanj,
  Aning har soʻzi dunyoda ulugʻ ganj.
• Kimki maʼrifatni etsa eʼzoz,
  Ani irfon etar, albatta, mumtoz.

M

• Murodingni hayoting ichra axtar,
  Ki mavhum ilm ichinda boʻlma axgar.

O

• Odamda boʻlsa gar yaxshi tilak,
  Xalq uchun tebratgusi doim bilak.
• Odam ersang maʼni bil dona-dona,
  Vatan erur senga ikkinchi ona.
  Soʻzlamasdin oldin soʻzingni sina,
  Har bir soʻzdir umring ichinda sina.
• Odami aql-u nazokatda suluv,
  Boʻlsa axloqi sadoqatda suluv.

Q

• Qoshki, kulbam aro yakbora yorim kelsalar,
  Yoʻllarigʻa jon nisor aylay nigorim kelsalar.

T

• Tanga ozuqdur hamisha toʻgʻri lafz,
  Millat-u tilga xiyonat oʻgʻri lafz.

U

• Ulgʻayursan, sanda bor boʻlsa adab,
  Ulgʻayursan, sanga yer ulsa adab,
  Odam ersang, tashqi surata berma zeb,
  Ona yurtingni hamisha ayla zeb.

X

• Xirad eligʻa kuksin tutdi qogʻoz,
  Ham irfon ishqida qon yutdi qogʻoz.

Y

• Yaxshi odamlar ishidan ibrat ol,
  Ibratomuz xizmat aylab, izzat ol.

Z

• Zulm boʻlgon oʻlkada qolmaydi fayz,
  Tonggacha kun nuridin olmaydi fayz.

Oʻ

• Oʻz gunohingni soʻrab eldin oʻtin,
  Nafrat uti ichra boʻlmasdin oʻtin.

Gʻ

• Gʻarazgoʻy agʻyorlar soʻzigʻa bovar qilmakim,
  Dilsiyohlik keltirur oʻrtada gʻammoz ozgina.

Ch

• Chun qadam quyding bu yoʻlgʻa boʻlma bematlab vale,
  Faxri zillat boʻl, talashma gʻurbati mansab vale.