Gʻazab

	Gʻazab
	Vikipediya maqolasi
	Vikilugʻatdagi maʼnolari
	Wikimedia Commonsdagi media fayllari

Gʻazab — kuchli darajada achchiqlanish hissi; qahr, jahl.

A B D E F G H I J K L M N O P Q R S T U V X Y Z Oʻ Gʻ Sh Ch Ng

A

	Ahmoq gʻazablansa, shayton unga akalik qiladi.
	— Otalar soʻzi^[1]

	Aqldan barcha ish yaxshi boʻladi, To gʻazab kelmasa aql barqaror. Bu hikmatni oqil yaxshi biladi, Gʻazab kelsa aql boʻladi nochor!^[2]
	— Xoja Samandar Termiziy

	Aqllilik ikki narsadan iborat: gʻazab kelganda oʻzini bosishdan va birovdan kuchli boʻlganda uni kechirishdan.
	— Otalar soʻzi^[3]

Azizim, badjahl kishilar bilan doʻst va hamsuhbat boʻlmaginki, ularning ahdi boʻsh va vafo binosi zaif boʻladi. Ular muruvvat yuzini jafo tirnogʻi bilan tirnaydilar, mardonalik chashmasini nomardlik tuprogʻi bilan loyqalaydilar. Ularning nazarida doʻstlikning hurmatiyu, eski ulfatchilikning qadru-qiymati boʻlmaydi.
Bayt:
Xizmat haqin bilmaydigan kimsalarning xizmatin,
Qilma aslo koʻrmaysan na hurmatu, na maqtov!^[4]

— Xoja Samandar Termiziy

Azizim, gʻazab otini sabot jilovi bilan qaysarlik yoʻlidan qaytar! Har qanday shubha zimistonini aql nuri bilan ravshan et! Shunda sen nadomat va pushaymonlik domiga mubtalo boʻlmaysan!
Birov gunoh qilsa, boʻlsang dargʻazab,
Jazo bermay turib uyla yaxshilab!
Badaxshon laʼlini sindirish oson,
Biroq asli kabi boʻlmaydi yamab.
Qilinmagan ishni qilsa boʻladi,
Qilgach, nadomatdan sud yoʻq, ne ajab!^[2]

— Xoja Samandar Termiziy

	Azizim, gʻazab shaytoniy olovning shu’lasidir. U shunday bir daraxtki, mevasi pushaymonlikdan iborat. Shuning uchun tajribali kishilar gʻazab otashini soʻndirishga uringanlar, jahl luqmasini esa ichlariga yutishga harakat qilganlar!^[5]
	— Xoja Samandar Termiziy

E

	Eng kuchli kishi shunday kishiki, gʻazab kelganda uni bosa oladi, oʻz nafsini esa toʻgʻri yoʻlga boshlay oladi. Sheʼr: Kuchligu ham sher yurak odamni sen mard dema, Gʻazab kelsa gʻazabin bosa olgan mard erur!^[2].
	— Abulbarakot Qodiriy

J

	Javobning yumshogʻi gʻazabni soʻndiradi, soʻzning qattigʻi odamni oʻldiradi.
	— Otalar soʻzi^[5]

S

	Serjahl boshda aql bo‘lmaydi.
	— Otalar soʻzi^[6]

Gʻ

	Gʻazab shunday bir olovki, u oʻz sohibini yondiradi.
	— Otalar soʻzi^[5]

Manbalar

↑ Mashriqzamin hikmat boʻstoni, s. 67.
↑ ^2,0 ^2,1 ^2,2 Mashriqzamin hikmat boʻstoni, s. 207.
↑ Mashriqzamin hikmat boʻstoni, s. 62.
↑ Mashriqzamin hikmat boʻstoni, s. 46.
↑ ^5,0 ^5,1 ^5,2 Mashriqzamin hikmat boʻstoni, s. 208.
↑ Mashriqzamin hikmat boʻstoni, s. 59.

Adabiyotlar

Hamidjon Xomidiy; Mahmud Hasaniy. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.

[FOOTNOTEMashriqzamin_hikmat_boʻstoni67-1] Mashriqzamin hikmat boʻstoni, s. 67.

[FOOTNOTEMashriqzamin_hikmat_boʻstoni207-2] 2,0 ^2,1 ^2,2 Mashriqzamin hikmat boʻstoni, s. 207.

[FOOTNOTEMashriqzamin_hikmat_boʻstoni62-3] Mashriqzamin hikmat boʻstoni, s. 62.

[FOOTNOTEMashriqzamin_hikmat_boʻstoni46-4] Mashriqzamin hikmat boʻstoni, s. 46.

[FOOTNOTEMashriqzamin_hikmat_boʻstoni208-5] 5,0 ^5,1 ^5,2 Mashriqzamin hikmat boʻstoni, s. 208.

[FOOTNOTEMashriqzamin_hikmat_boʻstoni59-6] Mashriqzamin hikmat boʻstoni, s. 59.

[1]

[2]

[3]

[4]

[5]

[6]

Gʻazab

Vikipediya maqolasi
Vikilugʻatdagi maʼnolari
Wikimedia Commonsdagi media fayllari