Farididdin Attor
Fors soʻfiy shoiri
Farididdin Attor (asl ismi: Muhammad Abu Bakr ibn Ibrohim; tax.1148/1151-yil, Nishopur – 1219/1221-yil) – mutasavvif fors shoiri. Asarlarida tasavvufni targʻib qilgan. Mansur Halloj, Boyazid Bistomiy taʼlimotidagi gʻoyalarni davom ettirgan.
| Farididdin Attor | |
| |
 Vikipediyadagi maqola
| |
 Vikiombordagi fayllar
|
| A B D E F G H I J K L M N O P Q R S T U V X Y Z Oʻ Gʻ Sh Ch Ng |
Iqtiboslar
tahrirlash- Boʻshamasa tili gʻiybatdan,
Boʻshamaydi dil uqubatdan[1].
- Ikki kishidan sen yashirma darding:
Biri tabib erur, biri – hamdarding[1]. - Inson ichida eng ablah inson,
Nafs-havo ketidan boʻladi sarson[1].
- Keksalarni etsang aziz-u hurmat,
Seni ham keksaygach, etishar izzat[1]. - Kim agar doʻstlar bilan yakdil boʻlur,
Barcha maqsudi aning hosil boʻlur[1]. - Kimki dushmandan qilmadi hazar,
Oqibat undan koʻradi zarar[1]. - Kimki kekkayar manmanlik bilan,
Doʻstlari oxiri boʻlishar dushman[1]. - Kim gʻamli kunda yoru mungdosh boʻlur,
Shodlik kuningda tagʻin yoʻldosh boʻlur[1]. - Kishilarga boqsang noz-ne’mat kuni,
Yetishar dodingga mashaqqat kuni[1].
- Mutakabbir boʻlishdan oʻzingni saqla. Takabburlik – johillar odati, aqlli odamlar mutakabbir boʻlmaydilar[1].
- Nokas eshigiga qadam qoʻymagʻil,
Duch kelganda hatto holin soʻrmagʻil[1].
- Parvona otashdan huzur topsa gar,
Kuysa ham hech qachon etmaydi hazar[1].
- Quvvatim borida foydam bilmadim,
Tushungan vaqtimda kuchim boʻlmadi[1]. - Qoʻy taʼmani, bor esa senda tamiz,
Shubhasiz, el ichra boʻlgʻaysan aziz[1].
- Toʻrt narsani toʻrt narsadan, yaʼni dilni hasaddan, tilni yolgʻondan va gʻiybatdan, qilgan ishingni munofiqlikdan, qorningni harom-harishdan pok tut, shundagina chin odam hisoblanasan[1].
Oʻ
tahrirlash- Oʻz tili tagida faxriydir odam[1].
- Oʻgʻilginam, totimagil baxil nonidan,
Uzoq boʻl, baxilning dasturxonidan[1].
Gʻ
tahrirlash- Gʻamgin qaro kunda kim senga yor,
Shodlik kuningda ham unutma zinhor[1].