Qanoat

Qanoat (arab. قناعت‎‎) — qismatga rozi bo‘lish, taqdir etilgan narsalarga mamnun bo‘lish, jizzaki va shoshqaloq bo‘lmaslik, qo‘lidagiga rozi bo‘lish, o‘zgalarning moliga va haqiga ko‘z olaytirmaslik, yeyish, kiyinish va maskan ehtiyojini zarurat chegarasida saqlash, isrofga yo‘l qo‘ymaslik, tejamkorlikka rioya qilish, ochko‘z bo‘lmaslik.

Qanoat

Vikipediya maqolasi

Vikilugʻatdagi maʼnolari

A  B  D  E  F  G  H  I  J  K  L  M  N  O  P  Q  R  S  T  U  V  X  Y  Z  Oʻ  Gʻ  Sh  Ch  Ng

B

	Boy boʻlishni istasang — qanoatli boʻl.
	— Otalar soʻzi

D

	Dono kishilar: „Qanoat tuganmas boylikdir, qanoatli kishi hech qachon kambagʻal boʻlmaydi, chunki uni hech kimga ishi tushmaydi. Qanoatsiz kishi esa gadoyga oʻxshaydi, uning hamma narsasi boʻlsa ham koʻzi tuymaydi, koʻproq topishga intiladi, narsa uchun odamlar oldida bosh egadi“, — deydilar
	— „Maxzan al-ulum“ asaridan

I

	Ikki toifa odam boʻladi: biri topganiga qanoat qilmay qidirishda boʻladi, ikkinchisi esa topolmaydi, biroq qidirishda boʻladi.
	— Otalar soʻzi

O

	Ozga qanoat qilmagan koʻpga yetmaydi.
	— Otalar soʻzi

Q

	Qanoatli kishi och va yalangʻoch boʻlsa ham boydir. Dono boʻlsa ham amirdur.
	— „Maxzan al-ulum“ asaridan

	Qanoatli kishi qiyinchilikka, vijdonli kishi bechoralik kuyiga tushmaydi.
	— Otalar soʻzi

	Qanoatli qul ozod, ozod tamagir esa quldir.
	— Otalar soʻzi

	Qanoatning yana bir koʻrinishi yeyish-ichishda bilinadi. Ozgina ovqat yeyishga qanoat qilgan kishi kam kasal boʻladi.
	— „Maxzan al-ulum“ asaridan

T

	Tinch yashay desang, qoʻlingda boriga qanoat qil.
	— Otalar soʻzi

U

	Ulugʻ kishilarning yoqimli xislatlaridan biri qanoatdir. Qanoatli kishi hech qachon xor boʻlmaydi. Aksincha kishida qanoat boʻlmasa topgan-tutganiga sabr qilmay, koʻpiga intilsa oqibat xorlik tortadi.
	— „Maxzan al-ulum“ asaridan