Muhammad Kamol Pilav
Muhammad Kamol Pilav – turkiyalik mutafakkir olim.
| Muhammad Kamol Pilav |
Iqtiboslar
tahrirlash- Asal yegan og‘iz ham, quruq non yegan og‘iz ham oxir-oqibat tuproqqa to‘ladi. Faqat haq so‘zni aytib yurgan og‘izgina chirimaydi. Haq nazdida eng qiymatli og‘iz shudir[1].
- Axloqning asosi iymonga bogʻliqdir. Iymonsizning axloqi boʻlmaydi[1].
- Bizdan oldin kelib-ketganlarning bu dunyoda izlari bor, bizdan keyin keladiganlarga esa biz iz qoldiramiz. To‘g‘ri iz qoldirgan kishi qandayin baxtli![1]
- Boyning bir ko‘zi kambag‘alda bo‘lishi kerak. Bir qo‘lini kambag‘alga berishi lozim. Kambag‘aldan yuz o‘girgan boyning ko‘zlari xoin ko‘zdir[1].
- Ey inson! Qalbingda zarracha kibr bo‘lsa, sen hali musulmonlikni tushunmabsan. Toat-ibodating Alloh huzurida maqbul bo‘lmaydi[1].
- Haqiqiy e’tiqod haqiqatga eltadi. Asossiz e’tiqod esa insonlarni notoʻgʻri yoʻlga boshlaydi. Sen haqiqiy eʼtiqodga talabgor boʻl![1]
- Haqiqiy nur iymondir. Haqiqiy nurni topgan haqiqatni koʻradi, haqiqatni eshitadi[1].
- Ilm insoniylik tojidir. Insonlar faqat u bilan ulugʻlanadi. Mol-mulk esa johilning gʻururlangan matosidir. Bu mol-mulk sarf boʻlishi bilan johillar halokatga uchraydi[1].
- Insoniylik shafqat va marhamat bilan boshlanadi va nihoyasiga yetadi. Insoniylikning asli shafqat va marhamatdir[1].
- Inson uchun har qanday magʻlubiyat bir tajribadir. Magʻlubiyatlardan saboq olganlar kelajakda gʻalabalarni qoʻlga kiritadilar[1].
- Iymon seni gʻam-qaygʻuga yoʻllamaydi, qiyinchilik kelsa har doim unga yuzlan. Chin ixlos bilan Allohni yordamga chaqir. Uning Oʻzi senga kifoyadir[1].
- Jaholatni ilm bilan yoʻq qilishga harakat eting. Har bir ishni ilm bilan hal qilinglar[1].
- Johilning bilaman, deyishi – koʻrning koʻraman deyishiga oʻxshaydi[1].
- Namozdan huzur topishga harakat qil. Namozda huzur topmaganlar behalovat yashaydilar[1].
- Nurga yetishgan qorongʻulikdan xalos boʻlganidek, iymonga erishgan ham soxtalikdan qutuladi[1].
- Orifga ehtiyoj shifokor tabibning zaruratiga oʻxshaydi. Oriflar maʼnaviy xastalikni, tabiblar moddiy xastalikni muolaja etadilar[1].
Oʻ
tahrirlash- Oʻlim qoʻrqinchi faqat iymonsizning qalbini zabt etadi, titroqqa soladi. Iymon ahli esa buni Haqqa yetishish, deb bayram qiladi, sevinadi[1].