Muvaffaqiyat

Muvaffaqiyat — biror ishda erishilgan natija, yaxshi natija; yutuq, gʻalaba.

Iqtiboslar

B

	Boshqalarga yordam berishga intiladigan odamgina muvaffaqiyatga erishadi. Faqat o‘z foydasini o‘ylaydiganlar esa mag‘lubiyatga uchrayveradi.
	— Brayan Treysi

	Buyuk muvaffaqiyatlar qatʼiyat va qunt-matonatning natijasi, xolos.
	— Semyuel Jonson

E

	Eng muhimi — muvaffaqiyatga erishish uchun nimadir qilish va bunga hoziroq kirishish. Juda oddiy bo‘lishiga qaramay, muvaffaqiyatning eng asosiy sir-sinoati shu. Ajoyib-g‘aroyib g‘oyalar har kimda bor, biroq uni hayotda tatbiq etayotganlar, ayniqsa, ayni damda shu ish bilan shug‘ullanayotganlar juda kam. Ertaga yoki keyingi hafta emas, hoziroq ishga kirishish kerak.
	— Nolan Bushnell

M

	Muvaffaqiyat asosiy maqsadingiz ko‘z oldingizda turganda keladi. Maqsadingiz ko‘zdan nari ketishi bilan muvaffaqiyat ham ketadi.
	— Bernard Shou

	Muvaffaqiyat faqat intiluvchan odamgagina nasib qiladi. Qiyin sharoitda tushkunlikka tushadiganlarni esa juda kam yo‘qlaydi.
	— Javoharlaʼl Neru

	Muvaffaqiyat uchun reja tuzmayotgan boʻlsangiz, unda, shubhasiz, muvaffaqiyatsizlikni rejalayotgan boʻlasiz.
	— Rouz Toun

	Muvaffaqiyatga erishishning asosiy kaliti diqqatni jamlashdir. Energiyani bir nuqtaga jamlash va oʻngga ham, chapga ham ogʻishmay shu nuqtaga eʼtibor qaratish zarur.
	— Uilyam Masyus

O

	Odam mashg‘ulot zallarida chempion bo‘lmaydi. Chempion bo‘lish uchun ishni ruhiyatdan boshlash kerak – istak, orzu va o‘z g‘alabasini aniq-tiniq his qilishgina kishini maqsadiga eltadi.
	— Muhammad Ali

Y

	Yotgan joyida muvaffaqiyatga erishadigan birgina jonzot bor — tovuq.
	— Xalq iborasi

Oʻ

	Oʻz ishidan nafratlangan biror insonning muvaffaqiyatga erishganini koʻrganmisiz, taniysizmi? Men tanimayman. Muvaffaqiyat sirlaridan biri — qilayotgan ish bilan sevgan narsalaringiz orasidagi mustahkam bogʻliqlikni shakllantirishdir.
	— Antoniy Robbins