Vikiiqtibos

Charlie Chaplin

Charlie Chaplin (talaffuzi: Charli Chaplin; 1889-yil 16-aprel – 1977-yil 25-dekabr) – ingliz komik aktyori, rejissor, bastakor, ovozsiz kino davrining muhim shaxslaridan biri boʻlgan.

Charlie Chaplin
Vikipediyadagi maqola
Vikimanbadagi asarlar
Vikiombordagi fayllar



A

tahrirlash
  • Aql bilan qilingan xato, aqlsizlik bilan qilingan xatodan koʻproq balo keltiradi[1].
  • Aql meni xavotirga solishi, hatto kasal qilib qoʻyishi mumkin. Biroq uni yuragim bilan uygʻunlashtira olsam, u oʻsha zahotiyoq mening bebaho ittifoqchimga aylanadi[2].
  • Aslida qayerda yashashingning umuman farqi yoʻq, asosiysi kim bilan yashashing[1].

B

tahrirlash
  • Bolaligi boʻlmagan odamning keksaligi ham boʻlmaydi[1].
  • Bu foniy dunyoda hech narsa abadiy emas, hatto qiyinchiliklar ham oʻtkinchi[1].

F

tahrirlash
  • Fikrlash qobiliyati skripka yoki royal chalishga oʻxshaydi. U bilan har kuni shugʻullanib turish kerak[2].
  • Fillarni koʻrsam jahlim chiqadi. Axir bu qadar kuchning egasi shunchalik itoatkor boʻlishi mumkinmi?[1]

H

tahrirlash
  • Hamisha yerga qarab yuradigan odam kamalakni koʻrolmaydi[2].
  • Hamma gap samimiyatda. Chol banan poʻchogʻiga sirpanib yiqilib tushdi – bunga kulmaymiz. Lekin bu holat takabbur va boy jentelmen bilan sodir boʻlsa, miriqib xoxolaymiz[2].
  • Hayotdagi eng qaygʻuli hol – hashamatga oʻrganib qolishdir[2].
  •  

Hayot katta planda qaraganda tragediya, uzoqdan qaraganda komediyadir[1]. — The Guardian gazetasidagi marhumga bag‘ishlangan maqolada qayd etilgan. (1977-yil 28-dekabr)

 

Life is a tragedy when seen in close-up, but a comedy in long-shot.

  • Hayot repetitsiya qilinmaydigan pyesadir. Shu bois parda tushib, spektakl tugamagunicha hech qanday qarsakni kutmay kuylang, yigʻlang, raqsga tushing, kuling va qoʻlingizdan kelganicha yaxshi yashang[2].
    • Hayot – repetitsiyasiz pyesaga oʻxshaydi. Yaʼni sahna tugab, parda olqish-u suronlarsiz yopilgunicha koʻnglingiz istaganicha oʻynang, kuling, yigʻlang[1].
  • Hech qachon bola boʻlmaganlar katta ham boʻlmaydilar[2].

K

tahrirlash
  •  

Komediya suratga olish uchun menga park, politsiyachi va bitta chiroyli qiz kifoya qiladi[2]. — My Autobiography (1964), Ch. 10.

 

All I need to make a comedy is a park, a policeman and a pretty girl.

  • Koʻzgu – mening yaqin doʻstimdir. Chunki men yigʻlasam, u hech qachon kulmaydi[1].

M

tahrirlash
  • Mening ogʻrigʻim kimningdir kulgisiga sabab boʻlishi mumkin, lekin mening kulgim kimningdir ogʻrigʻiga sabab boʻlmasligi kerak[2].
    • Mening ogʻrigʻim kimnidir kuldira olishi aniq, biroq kulishim hech qachon hech kimga ogʻriq keltirmasligini istardim[1].
  • Men kambagʻallikda hech qanday joziba yoki ibrat koʻrmayman. U menga hech narsani oʻrgatmadi, hayotiy qadriyatlar haqidagi tasavvurlarimni buzdi, xolos. Jamiyatning oliy sinfi deb ataluvchi boylarning iqtidori va fazilatlarini hurmat qilmaslikni uqtirdi[2].
  • Men siyqasi chiqqan mavzudan qoʻrqmayman. Hayotning oʻzi toʻlasicha siyqalik. Axir har birimiz yashaymiz va oʻlamiz, bir kunda uch mahal ovqatlanamiz, sevamiz va sevmay qoʻyamiz[2].

O

tahrirlash
  • Ovozsiz kinolar, eh, afsus… Ayolning ogʻzi ochilsa ham, sasi eshitilmagan kadrlar qanday goʻzal edi[1].
  • Oyna – mening eng yaxshi doʻstim. Chunki yigʻlagan paytim u hech qachon kulmaydi[2].

S

tahrirlash
  • Sanʼat uchun sahnaga yalangʻoch chiqishga ham toʻgʻri keladi. Ammo u yerdan nainki kiyimda, balki soflikni saqlab qayta olish darkor[1].
  • Sevilmaganlargina nafratlanadilar[2].

T

tahrirlash
  • Tabassumsiz kun – yoʻqotilgan kun[2].

Gʻ

tahrirlash
  • Gʻoya qanday yaraladi? Faqat telbalik asosidagi ishonchli qidiruv bilan[1].

Manbalar

tahrirlash
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Rahmat BOBOJON tarjimasi: „Bolaligi boʻlmagan odamning keksaligi ham boʻlmaydi – Charli Chaplindan iqtiboslar“. Oyina.uz (28-yanvar 2025-yil).
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 „Ziyouz.uz — Ziyo istagan qalblar uchun!“. 
"https://uz.wikiquote.org/w/index.php?title=Charlie_Chaplin&oldid=13285" dan olindi